تقديرات المرور

انا جيت تقديرات المرور وخلصت منهم بس عندي دقه في الرفرف ولا سجلوها من ضمن التقدير والوكالة بتصلح الي مكتوب في التقدير فقط مع العلم ان موظفين التقديرات الله يعطيهم العافية شافو الصدمه ولا سجلوها في التقرير النهائي

تقدر ترجع لنفس مركز تقديرات المرور وتعترض الا اذا كانت الصدمة قديمة لحادث قديم فموظف تقديرات المرور يتجاهلها في هذه الحالة

كانت الصدمة في الباب ،والرفرف اتاه مخوش السؤال هل يتم تصليح الرفرف ام تعويض مثل الباب

هذا يرجع لتقدير المقيم في مركز تقديرات المرور فان كان بسيط قابل للاصلاح او غير قابل للاصلاح

سويت حادث وكان الخطا على الطرف الثاني ١٠٠ بالميه ،، السؤال استمارة سيارتي منتهيه ؟ هل المفروض تكون الاستماره جديده

الجواب : أهم شيء رخصة القيادة تكون سارية عند مراجعة مركز تقديرات المرور ..انتهاء الاستمارة لايؤثر عليك بالنسبة للحادث ومطالبة التأمين بتعويضك عن الحادث

لكن يفضل تجديد الاستمارة حتى لاتتعرض للغرامة والمخالفات

سيارتي ايجار منتهي بالتمليك وصدمني شخص الغلط عليه ١٠٠٪‏ في هذه الحاله ينزل الشيك باسم البنك المالك للسياره ؟

هل يعطوني الشيك ولا لا علما بأن مالك السياره الراجحي والشركه المؤمن بها تكافل الراجحي

بعد تقدير السيارة في مركز تقديرات المرور روح لفرع البنك يعطوك خطاب لشركة التأمين الخاصة بالشخص اللي صدمك لمطالبتهم بالتعويض
وعند استلامك الشيك الخاص بالتعويض (مصدر باسم مصرف الراجحي) تاخذه وتسلمه لمصرف الراجحي

انا خلصت تقديرات المرور وجتني الرسالة الي فيها الرابط ورفض يفتح معي الرابط ؟ وش العلم ؟ وشكرا

الجواب :

الرابط عند النقر عليه ينزل ملف pdf به نتيجة التقدير .. انظر في مكان تنزيل الملفات في جوالك او الكمبيوتر تلقاه موجود افتحه ملف نصي

تلقى فيه كل معلومات ونتيجة التقدير … واذا ما فتح نهائيا او مالقيته لازم تراجع مركز تقديرات المرور وتاخذ النتيجة بشكل يدوي

بعد وصول التقدير الالكتروني ماذا افعل هل تختم من قبل المرور ام اراجع مباشرة التأمين

تراجع مباشرة التأمين بنتيجة التقدير الالكتروني وجميع الاوراق الثبوتية

وصلتني رسالة من تقديرات المرور .. يحتوي رابط وعند فتح الرابط يطلب اسم مستخدم وكلمة سر من وين اجيبهم؟؟؟

اذا لم تستطع فتح الرابط .. يمكنك مراجعة نفس مركز تقديرات المرور واخذ الخطاب بشكل يدوي

مكتب تقديرات المرور في حي الرمال

تم استحداثه مؤخرا – صناعية الرمال – مطبق في هذا المكتب نظام التقدير الالكتروني
اوقات الدوام من 8 صباحا – 12 ظهراً , من 3 عصراً حتى 6 مساء من الاحد للخميس
مكتب تقديرات الرمال على الخريطة
https://goo.gl/maps/PMbW3DyBN4P2

حصل علي حادث والطرف الاخر لا يحمل تأمين وتم مباشرة الحادث من نجم ثم حولنا على مرور الشمال ، السؤال كيف اخذ تعويضي وكيف أقدر السيارة؟؟

تراجع مرور الشمال تأخذ منه خطاب موجه لمركز تقديرات المرور لتقدير سيارتك .. يقومون بتقدير سيارتك بنفس اليوم

تأخذ نتيجة تقديرات المرور وهنا لو كان الطرف الثاني لديه تأمين تذهب بالنتيجة لمطالبة شركة التأمين للطرف الاخر

ولكن بما انه ليس لديه تأمين ترجع مرة ثانية لمرور الشمال وهم يتصلون بالطرف الثاني ويطلبون منه الحضور وتسديد ماعليه

ان لم يتجاوب مع اتصالات المرور يتم ايقاف خدماته والتعميم عليه